Категории раздела

Стоглавый Собор [3]
Текст Стоглава, комментарии
УСТАВ СОБОРНОЙ СЛУЖБЫ [26]
ПОСОБИЕ старообрядческим служителям для проведения церковных служб
Староверие Балтии и Польши [89]
словарь
Шамарин Владимир [5]
О СВЯЩЕНСТВЕ И ЛЖЕСВЯЩЕНСТВЕ
свщмч. Аввакум [1]
СТАРЕЙШИЙ (ПЕЧОРСКИЙ)СПИСОК «КНИГИ ТОЛКОВАНИЙ И НРАВОУЧЕНИЙ» АВВАКУМА

Поиск

Друзья сайта

Статистика

Счётчик тИЦ и PR




Пятница, 2024.03.29, 01:17
| RSS
WilStar
Главная
статьи


Главная » Статьи » УСТАВ СОБОРНОЙ СЛУЖБЫ

ЗАДОСТОЙНИКИ
ЗАДОСТОЙНИКИ

(ПЕЧАТНЫЙ ТЕКСТ). НА ЧАСАХ И МОЛЕБНЕ, ПОСЛЕ ОБЕДА.

Рожеству Богородицы и Преполовению до отдания их:

Глас 8. Чуже есть матерем девою быти, и странно девам дети раждати. На Тебе, Богородице, обое смот­рение бысть, тем Тя вся племена земная, не­престанно величаем.

Воздвижению и до отдания:

Глас 8. Таин еси Богородице рай, невозделанно возрастив­ши Христа, Имже Крестное и Живоносное на земли насаждено бысть древо. Тем ныне возно­симу, поклонюящеся ему, Тя величаем. Глас 8. Снеди ради древа, роду прибывшая смерть, Креста ради упразднися днесь. Ибо праматерняя все­родная клятва разрушися, прозябением чистыя Божия Матере. Юже вся силы небесныи вели­чают, (задостойники чередуются).

Введению до отдания и Благовещению:

Глас 4. Яко одушевленнем божии Киоте, да не коснется никакоже рука неверна. Уста же верных Бого­родице немолчно глас ангелов воспевают, радо­стию вопиюще, радуися Обрадованная Господь с Тобою.

Рожеству до отдания:

Глас 1. Подобаше убо нам, яко без беды страхом, удобь молчати. Любовию же Дево, песнь сложити, силою обостренною, дело есть драго. Но О, Ма­ти, силу, елико же бысть изволение даждь.

Богоявлению до отдания:

Глас 2. О, выше ума рожество Ти чудес. Невесто Пречи­стая, Мати благословеная, Еюже получивше совершеное спасение. Достойно поем яко Бла­годателю, дары носяще пение благодарения.

Сретении до отдания:

Глас 3. В законнем сеннописании, образ видим вернии, всяко бо отроча, ложесна разверзая, свято Бо­гови. Тем перворожденно Слово, от Отца без­начальна Сына, перворождеяа из Матере не­искусныя браку величаем.

В неделю Цветоносную:

Глас 4. Бог Господь и явися нам, составите праздник, и радующеся приидите возвеличим Христа, с ва­иями и ветвьми песньми зовуще, благословен грядыи о имя Господа Спаса нашего.

В субботу Лазареву:

Глас 8. Чистую и славную почтем, людие, Богородицу, яже огнь Божества приемшую, во чреве нео­пально, песньми величаем.

Великий четверг:

Глас 6. Странствия Владычня, и безсмертныя трапезы, на горнем месте, высокими умы, вернии приидите насладимся возшедша Слова, от Слова научьшеся, Егоже величаем.

В великую субботу:

Глас 6, Не рыдай мене, Мати, зрящи во гробе, егоже во чреве без семене зачала еси Сына. Воскресну бо и прославлюся, и вознесу со славою, немолчно яко Бог, иже верою и любовию Тя величающыя.

В Пасху и до отдания, кроме попраздньства Преполовения:

Глас I. Светися светися, новыи Иеросалиме, слава бо Господня на Тебе восия. Ликуй ныне и веселися Сионе, Ты же чистая, красуйся Богородице, о востании Рожества Твоего.

Вознесению и до отдания:

Глас 5. Тя паче ума и словесе Матерь Божию, в лето безлетнаго неизреченно рождьшую, вернии единомудрено, песньми величаем. Троице и до отдания;

Глас 4. Радуися Царице, матерем и девам славо. Всяка бо доброгласна богоглаголива уста мудрящаяся не могут Тебе воспети достойно, Низумеет же разум всяк, Твоего рожества разумети. Темже Тя согласно славим.

Преображению и до отдания:

Глас 4. Рожество Ти нетленно явися, Бог из боку Твоею пройде. Плотоносец яко явися на земли, и с человеки поживе. Тем Тя Богородице вси величаем.

Успению и до отдания:

Глас 1. Побеждаются естества пределы, в Тебе, Дево чистая. Девьствует бо рожество, и живот обручает смерть. По рожестве Дева, и по смерти жива, спасаеши присно, Богородицу Тя величающыя.

На часах 8 ноября (от обычаях 1 января, 1,2,3,4, 5 недели Поста)

Глас 8. О Тебе радуется, Обрадованная, всякая тварь, архангельскии собор и человеческии род. О, священная Церкви, и Раю словесныи. Девственная похвало, из неяже Бог воплотися, и младенец бысть, иже прежде век сыи Бог наш. Ложесна бо Твоя престол сотвори. И твое же чрево пространнейши небес содела Девице. О, Тебе радуется обрадованная всякая тварь, слава Тебе.

На молебнах во весь год, когда нет застойника:

Глас 8. Владычице приими молитву раб свих, и избави нас от всякия нужды и печали. Ты еси Богородице оружие наше и стена, Ты еси заступнице, и к Тебе прибегаем, Тя и ныне на молитву призываем, да избавиши ны от враг наших. Возвеличим Тя вси пренепорочную Матерь Христа Бога нашего, юже осени Дух Пресвятыи.

СЛАВОСЛОВИЕ ВЕЛИКОЕ

 (по тексту поморского Обихода)

Слава в вышних Богу, и на земли мир, в человецех благоволение. хвалим Тя, благословим Тя, кланяем ти ся, славословим Тя, благодарим Тя, великия ради славы Твоея, Господи Царю небесныи, Боже Отче Вседержителю, и Господи Сыне единородныи Исусе Христе, и Святыи Душе, Господи Боже, Агньче Божии, Сыне Отечь, вземляи грехи мира помилуй нас, вземляи грехи мира приими молитвы наша, седяи одесную Отца помилуй нас, яко Ты един Свят, Ты един Господь Исус Христос, в славу Богу Отцу, Аминь. На всяк день благословим тя, и восхвалим имя Твое во веки и в век века. Сподоби Господи в день сей, без греха сохранится нам, благословен еси Господи Боже отец наших, хвально и прославлено имя твое во веки аминь. Буди Господи милость Твоя на нас, якоже уповахом на Тя. Благословен еси Господи научи нас оправданием Твоим. Благословен еси Владыко научи нас оправданием Твоим. Благословен еси Святыи научи нас оправданием Твоим. Господи прибежище бысть нам в род и род, аз рех Господи помилуй мя и исцели душу мою, яко согреших Тебе. Господи к Тебе прибегох, научи нас творити волю Твою, яко Ты еси Бог мой, яко от Тебе есть источник живота, и во свете Твоем узрим свет. Пробави милость Твою ведущим Тя.

Святыи Боже Святыи Крепкии Святыи Безсмертныи помилуй нас (3-жды). Слава Отцу и Сыну И Святому Духу и ныне и присно и во веки веком аминь. Святыи Безсмертныи помилуй нас. Святыи Боже Святыи Крепкии Святыи. Безсмертныи помилуй нас.

БОГОРОДИЧЕН, ГЛАС

Богородице Ты еси лоза истинная, возрастившая нам плод животныи, Тебе молимся, молися Владычице со (чин святого), помиловатися душам нашим.

ПО ЗАУПОКОЙНОМ ОБЕДЕ:

По За молитв. Слава. Глас 6. Содетелю и Творче, Зиждителю, Избавителю, ослаби отпусти Христе Боже, и душу его (ея) помилуй, егда хощеши испытати. Тогда пощади Милостиве, и приими душу его (ея) Владыко, сведыи тайная. И ныне. Достойно и прочее.
Категория: УСТАВ СОБОРНОЙ СЛУЖБЫ | Добавил: - (2010.03.04)
Просмотров: 3633

Copyright MyCorp © 2024