Категории раздела

Стоглавый Собор [3]
Текст Стоглава, комментарии
УСТАВ СОБОРНОЙ СЛУЖБЫ [26]
ПОСОБИЕ старообрядческим служителям для проведения церковных служб
Староверие Балтии и Польши [89]
словарь
Шамарин Владимир [5]
О СВЯЩЕНСТВЕ И ЛЖЕСВЯЩЕНСТВЕ
свщмч. Аввакум [1]
СТАРЕЙШИЙ (ПЕЧОРСКИЙ)СПИСОК «КНИГИ ТОЛКОВАНИЙ И НРАВОУЧЕНИЙ» АВВАКУМА

Поиск

Друзья сайта

Статистика

Счётчик тИЦ и PR




Воскресенье, 2017.11.19, 21:42
| RSS
WilStar
Главная
статьи


Главная » Статьи » УСТАВ СОБОРНОЙ СЛУЖБЫ

ТРОПАРИ И КОНДАКИ ОБЩИЕ СВЯТЫМ
ТРОПАРИ И КОНДАКИ ОБЩИЕ СВЯТЫМ

ПРОРОКУ:

Тропарь. Глас 2. Пророка Твоего Господи, (имя), память празднующе, того ради молим Тя. спаси душя нашя.

Кондак. Глас 4. Очистившеся Духом светозарное твое сердце, пророчествия бысть светлое приятелище. Предглаголеши бо яко настоящая, далече сущая. Сего ради тя молим, блаженне, (имя), славне, Христа Бога моли непрестанно о всех нас.

АПОСТОЛУ:

Тропарь. Глас 3. Апостоле Святыи, (имя), моли милостиваго Бога, да грехов оставление подаст душам нашим.

Кондак. Глас 4. Яко звезду пресветлу церкви всегда стяжа тя апостоле, (имя), чудес твоих многоподаванием просвещаема. Темже зовем Христу, спаси чтущих верою память Твоего апостола, многомилостиве.

АПОСТОЛОМ:

Тропарь. Глас 3. Апостоли святии, (имена, если два), молите милостиваго Бога, да грехов оставление подати душам нашим.

Кондак. Глас 4. Лозие явистеся Христова винограда мудрии, гроздие приносяще в добродетелех, вино нам спасения источяюще. Егоже приемлем веселия исполняющем, празднуем честную вашу память. В нюже молите дароватися нам великой милости и отпущению грехов, Господи апостоли.

СВЯТИТЕЛЮ:

Тропарь. Глас 4. Правило вере и образ кротости, воздержанию учителя яви тя Господь стаду своему, яже вещем истина. Сего ради стяжав смирением высокая, нищетою богатая. Отче наш святителю, (имя), моли Христа Бога спастися душам нашим.

Кондак. Глас 2. Божественныи Гром, труба духовная, веры насадителю и отсекателю ересей, Троице угодниче великии святителю, (имя), со ангелы предстоя, присно моли непрестанно о всех нас.

СВЯТИТЕЛЕМ:

Тропарь. Глас 4. Боже отец наших, творяи присно с нами по Твоему смотрению, не отстави милости Твоея ст нас. Но тех молитвами во смирении устрой живот наш.

Кондак. Глас 8. Яко добродетелем учителие, иерархом украшение, церкви поюще вас славит, молитвами вашими подайте чтущим вас любовию, добродетелей исправление и соблазнов избавление, яко непобедими.

ПРЕПОДОБНОМУ:

Тропарь. Глас 8. О тебе отче, (имя), известен бысть спасения образ. Восприим бо Крест, последовал еси Христу. Творяше же и учаше, еже презрети плоть, преходит бо, прилежати же о души, вещи безсмертней. Темже и со ангелы радуется преподобие дух твой.

Кондак. Глас 2. Чистотою душевною божественно вооружився, и непрестанныя молитвы, яко копие вручив крепко, пробол еси бесовская ополчения (имя), отче наш. Моли непрестанно о всех, нас.

ПРЕПОДОБНЫМ:

Тропарь. Глас 4. Боже отец наших. Писан святителям. Кондак. Глас 2. Волнении множество невлажно проходяще, безплотныя враги струями слез ваших крепко погрузили есте, богомудрин и преподобнии. И чудес дар приимше, молите непрестанно о всех нас.

МУЧЕНИКУ:

Тропарь. Глас 4. Мученик Твой Господи, (имя), во страдании своем венец прият нетленныи от Тебе Бога нашего. Имея бо крепость Твою непобедимую, мучащих упраздни, к разруши бесом немощная шатания. Того молитвами Христе Боже спаси душя нашя,

Кондак. Глас 2. Звезда светлая явися, нелестная мирови, солнца Христа возвещающи, зарями твоими страстотерпче, (имя), и прелесть погаси всю. Нам же подаеши свет, моляся непрестанно о всех нас.

МУЧЕНИКАМ:

Тропарь. Глас 1. Страстьми святых яже по Тебе прияша, умолен буди Господи. И вся наша болезни и страсти тех ради исцели, человеколюбце молим Тя.

Кондак. Глас 2. Светильницы всесветлии явльшеся, божественнии мученицы, тварь всю светлостию чудес озаряете. Недуги разрешающе, и глубокую тму всегда отгоняще. Христу Богу молящеся непрестанно о всех нас.

СВЯЩЕННОМУЧЕНИКУ:

Тропарь. Глас 4. И нравом причастник, и престолом наместник апостолом быв. Деянии обрете богодухновенне в видениях восход. Сего ради слово истинное исправляя, и за веру пострадал еси до крове, священномучениче, (имя), моли Христа Бога спастися душам нашим.

Кондак. Глас 4. В святителех благочестно пожив, и мучения путь прошед, идольский угасил еси жертвы, и поборник быв своему стаду богомудре. Тем же тя почитающе тайно вопием ти, от бед избави ны присно своими мольбами отче наш, (имя).

СВЯЩЕННОМУЧЕНИКАМ:

Тропарь. Глас 4. Боже отец наших. Писан святителям. Кондак. Глас 3. Яко светильники незаходимыя разумнаго солнца, сошедшеся днесь восхвалим песньми. Восияли бо есте сущим во тме неразумия, всех созывающе к высоте благочестия священномученицы. Тем вопием вам, радуйтеся постником всем основание.

ПРЕПОДОБНОМУЧЕНИКУ:

Тропарь. Глас 8.О тебе отче, (имя). Писан преподобному. Кондак. Глас 2. Яко постника благочестна искусна, и страдальца произволением честна, и пустыни жителя сообразна, в песнех достойно восхвалим, (имя), приснохвальнаго. Той бо змия попрал есть.

ПРЕПОДОБНОМУЧЕКИКАМ:

Тропарь. Глас 4. Боже отец наших. Писан святителям.

Кондак. Глас 2. Волнении множество невлажно преходяще,безплотныя враги струями слез ваших крепко погрузили есть богомудрии преподобнии мученицы. И чудес дар приимше, молите непрестанно о всех нас.

МУЧЕНИЦЕ

Тропарь. Глас 4. Агница Твоя Исусе, (имя), зовет велиим гласом, Тебе женише мой любящи, и ищущи стражду , и сраспинаюся и спогребаюся крещением Твоим, и стражду Тебе ради, и умираю надежду имея на Тя, яко да царствую с Тобою и живу у тебе. Но яко жертву непорочну приими мя с любовию пожершую ти ся. Тоя молитвами Христе Боже спаси душя наша. Кондак. Глас 2. Храм твой всечестныи, яко цельбу душевную обретше вси вернии, и велегласно вопием. Дево мученице, (имя), великоименитая, Христа Бог а моли непрестанно о всех нас.

МУЧЕНИЦАМ:

Тропарь. Глас 4. Агницы словесныя Агньцу и Пастырю приведостеся мучением. Ко Христу течение скончавше и веру соблюдите. Темже днесь радостною душею, совершаем досточуднии святую вашу память. Христа величающе. Кондак, Глас 4. Страстотерпиц Христовых память празднуем, и верою просяще помощи, избавитися всем от всякия скорби, зовуще, Бог наш с нами, иже сих прославивыи, якоже изволи.

ПРЕПОДОБНЕЙ ЖЕНЕ

Тропарь. Глас 8. О тебе мати, (имя), известен бысть спасения образ. Восприимши бо Крест, последовала еси Христу. Творящи же и учащи презрети плоть, преходит бо, прилежати же о души, вещи безсмертней. Темже и со ангелы радуется преподобная дух твой.

Кондак. Глас 2, За любовь Господню преподобная, покоя желание возненавиде, пощением дух свой просветивши. Крепко бо зверя победила еси. но молитвами твоими противных шатание разори.

ПРЕПОДОБНЫМ ЖЕНАМ;

Тропарь. Глас 2. Истинному желанию уневестившеся христославнии, и временнаго обручника отвергшеся совокупления, и добродетельными подвиги возрастше. На высоту востекосте нетления, краснодушнии и многобогатнии, столпи инокующим женам и правило. Тем же о нас молите непрестанно, иже любовию вашу память празднующих.

Кондак. Глас 2. Телеса своя постом изнуривше, и неусыпными молитвами моляще зиждителя о гресех своих, яко да приимете совершенное прощение. И приясте божественное оставление и царствие небесное. Молите Христа Бога о всех нас.

ПРЕПОДОБНОМУЧЕНИЦЕ

Тропарь. Глас 4. Агница Твоя Исусе. Писан мученице.

Кондак. Глас 4. Божественная память твоя, (имя), днесь посиявши явися мирови яко солнце, сказающи житие твое. Ты бо воздержанием плотьская двизания разорши, и страдания кровию уневестися Христови. Тем же хвалящия тя избави от всяких зол, да зовем ти, радуися мати преподобная.

ИСПОВЕДНИКУ:

Тропарь. Глас 8. Православию наставниче, и благочестию учителю и чистоте, вселенной светильниче. Архиереом богодухновенное удобрение, (имя), премудре. Учением бо твоим вся просветил еси. Цевнице духовная, моли Христа Бога спастися душам нашим.

Кондак. Глас 2. Насладився богомудре воздержания, и желания плотьская ты успил еси, явися верою возращаемь. И яко живота древо райское процвел еси, (имя), отче священныи.

БЕЗСРЕБРЕННИКАМ:

Тропарь. Глас 8. Святая безсребреника и чудотворца, (имя) и (имя), посетита ны в болезнех наших. Туне прияста, туне и дадита.

Кондак. Глас 2. Благодать приимша исцелении, простираете здравие болящим, врача и чудотворца славная, (имя) и (имя), но ваю посещением сопостатов шатания низложиста, мира исцеляюща чудесы.

ХРИСТА РАДИ ЮРОДИВЫМ:

Тропарь. Глас 1. Глас апостола Твоего Павла услышав глаголющь, мы уроди Христа ради, раб Твой Христе Боже, (имя), урод Сметь на земли Тебе ради. Тем же память его почитающе Тебе молим, Господи спаси душя нашя. Кондак.

Глас 8. Вышний красоты желая, и нижния сласти телесныя тощно оставил еси. Нестяжанием суетнаго мира ангельское житие проходя, скончався, (имя) блаженне. с нимиже Христа Бога моли непрестанно о всех нас.

СОБОРОМ СВЯТЫХ ОТЕЦ.

Тропарь. Глас 8. Препрославлен еси Христе Боже наш, иже светила на земли отцы наша основавыи, И теми ко истинней вере всех нас наставил еси, Многомилостиве слава Тебе.

Кондак, Глас 8. Апостольское проповедание и отец учение церкви единою мерою запечатле. И ризу носящи истине, исткану от вышняго богословия исправляет и славит благочестия великое таинство.
Категория: УСТАВ СОБОРНОЙ СЛУЖБЫ | Добавил: - (2010.03.04)
Просмотров: 1779

Copyright MyCorp © 2017