Поиск

Друзья сайта

Статистика

Счётчик тИЦ и PR




Пятница, 2017.04.28, 21:56
| RSS
WilStar
Главная
Каталог файлов


Главная » Файлы » Ключ к Уставу

ЧИН ЕЖЕ В ЦЕРКОВЬ БОЖИЮ ВНИТИ И ИЗЫТИ И НА МОЛИТВЕ СТОЯТИ
2010.03.04, 16:54
ЧИН

ЕЖЕ В ЦЕРКОВЬ БОЖИЮ ВНИТИ И ИЗЫТИ И НА МОЛИТВЕ СТОЯТИ -

ОТ ПИСАНИЯ, УСТАВА И УЧЕНИЯ СВЯТЫХ ОТЕЦ И УЧИТЕЛЕЙ СОБРАННОЕ —

В НАУЧЕНИЕ ВСЕХ ПРАВОСЛАВНЫХ ХРИСТИЯН

Подобает ведати каждому входящему в церковь Божию, сиречь храм или молитвенный дом, яко сия есть не просто храмина, но Дом Божий, яко же святии отцы сию нарекоша Земное Небо. Понеже Бог в ней пребывает, и к Нему вси вернии притекают. И от Него милости и грехов оставления просят и приемлют, аще с верою просят.

Ты же внимай себе: егда приидеши к церкви, не поспеши внити в ню. Но стани вне при дверях и умножи свою совесть, егда что совершил еси непотребное: от бесовского смущения и мечтания или прелести мирския. Тогда не входи в церковь, но стани вне, аки Адам пред враты рая, и разумей о своих прегрешениях и смири свою душу, и тогда входи с сокрушенным сердцем, аки мытарь. И став у дверей перед святою иконою, сотвори три поклона с молитвою «Боже милостив...» По сем поклонися стоящим в церкви, глаголя им: «Простите мя, отцы и братия».

Аще совершил некий грех, еже есть общение с иноверными в ядении и питии, или службы церковныя пропустил, или ино что согрешил, подобает ти принести малое покаяние, еже есть: начал прощения, и положить его надо в притворе церковном отцу духовному или установленному на сие старцу. Начал клади земной или поясной, яко же старец повелит. И аще укажет ти поклоны положить, сотвори сие без всякого прекословия, зазирая себя за содеянное прегрешение.

По сем клади начал к общей молитве и вниди внутрь церкви, идеже вси христиане общецерковне молитву совершают. Ты же вниди со страхом и трепетом, помышляя свои грехи — в Земное бо Небо входиши. Стани тихо и кротко, не помышляй земное ничтожное. Но точию молися о гресех своих, взирая с теплою молитвою к образу Христову и Пресвятыя Богородицы, и Кресту Христову, и святых Его.

Наипаче внимай себе от всяких мирских помыслов, егда чтут Апостол или Евангелие, и поют Символ Веры, еже есть «Верую во Единаго Бога Отца...» и молитву Господню, еже есть «Отче наш...», или чтут Ексапсалмы. Да никто же в сие время не преходит на ино место, но вси стоят и внимают с молитвою. Такожде не дозволено преходити кому, егда чтут начало к службе: «Царю Небесный... Трисвятое, Отче наш и Приидите поклонимся», и егда настоятель глаголет отпуст.

Егда от настоятеля или старца приносится кадило с фимиамом, тогда распростри руце свои, яко Дух Жизни приемля, и глаголи молитву Исусову, и посем, сложивши руце, поклонися принесшему кадило старцу.

Егда придет время целовати святой Крест, тогда усмотри свою совесть, не было ли непотребного в плоти твоей или в ризах или в помыслах и разумей слову Божию читанному, и обещайся творити яже во Евангелии слышал есть.

Приходя ко Кресту, положи два земных поклона с молитвой Исусовой, по сем благословися у настоятеля, перекрести лице свое и целуй Распятие, а отошед, поклонися до земли, глаголя молитву Исусову. Востав, паки поклонися до земли и рцы: «Прости мя, отче честный». Егда же целуеши икону празднику, тогда клади поклоны поясные.

И о сем блюди всегда, чтобы прежде отпуста службы и начала не исходить из церкви. Понеже заповедано есть: аще кто отходит от церкви не окончив службы без нужды крайния, подлежит суду.

Аще во время службы церковныя или по окончании ея чтется или говорится слово поучительное, и ты никакоже изыди, но со всяким вниманием приемли еже чтется или глаголется, твоея бо ради пользы душевныя сие творится. И всегда поминай, еже писано есть: «В церкви стояще славы Твоея на Небеси стояти мнимся». Аминь.


Категория: Ключ к Уставу | Добавил: -
Просмотров: 1216 | Загрузок: 0

Copyright MyCorp © 2017